لوڈنگ ڈاک کی حفاظت

(پرجوش موسیقی) انسٹرکٹر: اکثر تنگ جگہوں پر پائے جانے والے لوڈنگ ڈاکس پہ سامان کو جلدی جلدی لوڈ یا اَن لوڈ کرنے کی ضرورت ہوتی ہے۔ جلد بازی کی اِس کوشش میں اکثر ملازمین کو بہت سے حادثات کا سامنا کرنا پڑتا ہے۔ یہی وجہ ہے کہ لوڈنگ ڈاکس پہ کام کے دوران ہزاروں ورکرز کا ہر سال زخمی ہو جانا کسی حیرت کا باعث نہیں بنتا۔ لوڈنگ ڈاکس پہ کام کے دوران اپنے آپ کو محفوظ رکھنے کے لیے بہت سے طریقوں پہ عمل کیا جاسکتا ہے۔ سب سے اہم کام یہ ہے کہ، آپ ذاتی حفاظتی سامان(پی پی ای) مناسب انداز کام شروع کرنے سے پہلے ضرور پہن لیں۔ اِس کے بعد ضروری ہے کہ آپ اپنے ہاتھوں کو کھرچنے والی سطحوں یا مائعات سے بچانے کے لیے دستانوں کا استعمال لازمی کریں۔ اِس کے علاوہ اپنے آپ کو پھسلنے اور گرنے سے بچانے کے لیے سٹیل کے تلوؤں والے جوتے ضرور پہنیں۔ تنگ جگہوں پہ کام کرتے وقت اپنے سر کو کسی بھاری چیزوں کے ذریعے زخمی ہونے سے بچانے کے لیے سخت بمپنگ ٹوپی(ہیلمٹ) کا استعمال لازمی کریں۔ بعض اوقات کام کی نوعیت کے لحاظ سےآپ کو مٹی سے بچنے کے لیے ڈسٹ ماسک، آنکھوں کی حٖاظت کے لیے گاگلز، اور ٹھنڈ سے بچنے کا سامان بھی پہننا پڑ سکتا ہے۔ ٹرکوں، ٹریلرز یا دوسری کسی قسم کی ٹرانسپورٹ سے سامان کو اُتارنے یا چڑھانے کے لیے تمام لوڈنگ ڈاکس پہ ایک وانچا پلیٹ فارم موجود ہوتا ہے۔ زمین سے اونچائی اور کام کے دوران بہت زیادہ سامان کی وجہ سے اِن پلیٹ فارمز سے گرنے کے خطرات بہت زیادہ بڑھ جاتے ہیں۔ لوڈنگ ڈاکس پہ کام کرتے ہوئےآس پاس نظر رکھیں اور اِن پہ بھاگنے کی بجائے آرام سے چلیں تاکہ آپ گرنے کے خطرات سے محفوظ رہیں۔ ڈاکس کے آس پاس ہونے والے کام سے اپنے آپ کو محفوظ فاصلے پر رکھیں۔ چلتی ہوئی فورک لفٹ اور پیلٹ سے فاصلے پر رہیں، کیونکہ ممکن ہے کہ کام کے دوران اُن کے ڈرائیورز آپ کو دیکھ نہ پائیں اور حادثہ ہو جائے۔ لوڈنگ ڈاکس کو کام کے دوران کسی فکسڈ چیز جیسے بولارڈ یا دیوار سے لگنے نہ دیں اِس سے آپ کے گرنے کے خطرات بڑھ سکتے ہیں۔ ایسی چیزوں کا پچھلا حصہ بہت تیزی سے ہلتا ہے جب اُن کے کنارے کسی فکسڈ چیز کے ساتھ ٹکرا کر مڑتے ہیں اور یہ آپ کو زخمی بھی کر سکتے ہیں اِس لیے ایسی چلتی ہوئی مشینوں سے فاصلہ رکھنا چاہئے۔ فورک لفٹ کے کانٹے زمین کے ساتھ ہوتے ہیں اور کام کے دوران بعض اوقات نظر بھی نہیں آتے اِس لیے حادثے سے بچنے کا واحد ذریعہ احتیاط ہے۔ بجلی سے چلنے والی مشینوں کے ذریعے جب سامان اُتارا یا رکھا جا رہا ہو تو اِن کے پاس چلنے سےِ، کھڑے ہونے یا کام کرنے سے پرہیز کریں اور اُونچائی پہ رکھے ہوئےسامان فاصلے پہ رہیں۔ مختلف اقسام کے سامان جیسا کہ ڈولی، پیلٹ جیک، اور فورک لفٹ وغیرہ کو آہستگی اور اور احتیاط سے استعمال کریں۔ کام کے وقت وہاں موجود غیر متعلقہ لوگوں کی حفاظت کرنا اور اُن کو آنے جانے کے لیے راستہ دینا آپ کی ذمہ داری ہے۔ فورک لفٹ پہ سامان لگاتے وقت اپنی نگاہ کی حد چیک کرلیں تاکہ آپ کو مشکل نہ ہو۔ سامان کو احتیاط سے منزل تک پہنچانے کے لیے اُسے مضبوطی سے باندھیں تاکہ یہ سامان گرنے کی صورت میں لوگوں کو زخمی نہ کرے اپنی سواری کو مشین پہ مارنے یا دستی پیلٹ جیک پہ سوار ہونے کی کوشش نہ کریں۔ لوڈنگ ڈاکس میں ٹرک سے سامان اتارتے وقت، سامان کے اچانک باہر آجانے کا خیال رکھیں۔ اِس کے لیے ضروری ہے کہ آپ پہلی دفعہ سامان نکالتے وقت ایک طرف کھڑیں ہو جائیں تاکہ کوئی چیز اچانک باہر آکر آپ کو نقصان نہ پہنچائے۔ بعض اوقات ورکرز بہت بھاری سامان کو غلط طریقے سے اَن لوڈ کرتے وقت کمر درد کا شکار بھی ہوجاتے ہیں۔ اِس انجری سے بچنے کے لیے آپ کو چاہیئے کہ سامان کو احتیاط سے اُٹھائیں۔ اپنی پیٹھ کو سیدھا کر کے گھٹنوں کے بل جھک کرنیچے ہوں اور پھر اپنے ہاتھوں کے ذریعے اور ٹانگوں کے مسلز پہ بوجھ ڈالتے ہوئے سامان کو اُٹھائیں۔ بھاری سامان کو اٹھاتے وقت اپنے کولیگ سے بدد لیں یا ہینڈ کارٹ کا استعمال کریں، لیکن کبھی بھی سامان کو غلط طریقے سے اُٹھانے کی کوشش نہ کریں۔